मकवानपुरमा जन्तीबस दुर्घटना हुँदा २ जनाको मृत्यु, १० जना घाइते

हेटौंडा । भक्तपुरबाट जन्तीबोकेर हेटौंडातर्फ आउँदै गरेको बस दुर्घटना हुँदा २ जनाको मृत्यु भएको छ । कान्ति लोकपथ हुँदै हेटौंडा आउँदै गरेको बस मकवानपुरगढी गाउँपालिकामा दुर्घटना भएको हो ।

भक्तपुरबाट जन्ती बोकेर हेटौंडातर्फ आउँदै गरेको बा ४ ख २२१७नम्बरको बस कान्तिलोकपथ अन्तर्गत मकवानपुरको गढी गाउँपालिका–२ शिखरकटेरीमा दुर्घटना हुँदा २ जनाको घटनास्थलमै मृत्यु भएको जिल्ला प्रहरी कार्यालय मकवानपुरका डीएसपी यज्ञप्रसाद भट्टराईले जानकारी दिए ।

मृत्यु हुनेको परिचय खुल्न सकेको छैन । दुर्घटनामा १० जना घाइते भएको घाइतेहरुको भट्टराईले जानकारी दिए । घाइतेहरुको हेटौंडा अस्पताल र चुरेहिल अस्पतालमा उपचार भइरहेको छ । घाइते मध्ये ३ जनाको अवस्था गम्भीर रहेको प्रहरीले जनाएको छ । केही घाइते सामान्य उपचारपछि ठिक भएको जनाइएको छ ।

बस सडकबाट करिब २० मिटर तल खसेर रुखमा अड्किएको डीएसपी भट्टराईले बताए । डिएसपी भट्टराईको नेतृत्वमा घटनास्थलमा पुगेको प्रहरी टोलीले अहिले पनि उद्दारको कामजारी राखेको छ । घटनाको थप विवरण आउन बाँकी रहेको छ ।


आफ्नो प्रतिक्रिया दिनुहोस |

विचित्र संसार
© 2019: Hotpati All Rights Reserved.
Designed by: GOJI Solution
माथी