कोरियामा मोटरसाइकल दुर्घटनामा परेका कार्कीलाई आर्थिक सहयोग

सोल- कोरियाको थेबुलमा मोटरसाइकल दुर्घटनामा परि घाइते हुनु भएका सिन्धुlलीका ओमबहादुर कार्कीलाई अनलाईन रेडियो गोर्खाली र नयाँ संचार डटकमले आर्थिक सहयोग गरेका छन् | दुई संस्थाले अक्टोबर २३ तारिख प्रदर्शन गरिएको नेपाली चलचित्र छक्का पन्जाको प्रदर्शनीबाट प्राप्त मुनाफा सहयोगकालागि हस्तान्तरण गरेका हुन् |
उक्त कार्यक्रममा अनलाईन रेडियो गोर्खालीका अध्यक्ष सुन्दर सुवेदी , नया सन्चार डट कमका सम्पादक सुदिप पौडेल र हुन्डाई नेपलीज फ्रेन्डका अध्यक्ष ओम राना मगर मोक्पो चौतारी नेपालका बरिस्ठ उपाध्यक्ष नारन पौडेल लगायत दुई वटै संस्थाका पदाधिकारी तथा सदस्यहरूको उपस्थितिमा चलचित्रबाट उठेको रकम को खर्च कटाइ रहेको कुल रकमको ५४% (रू ११३००००/- वन) रकम घाइते कार्किलाई हस्तान्तरण गरिएको छ।

कार्यक्रममा बोल्दै दुबै मिडियाकर्मीहरूले आउँदा दिनहरूमा पनि नेपालीहरूको दु:ख अनि पिडाहरूमा यसरीनै सहकार्य गर्दै मलम पट्टीको काम गर्ने र विभिन्न सुचना मुलक र ज्ञान मुलक कार्यक्रम हरुलाइ र विशेष गरि बिदेशीएका नेपाली दाजुभाइ दिदिबहिनी हरु को हक र हित को लागि आवज उठाउदै जाने प्रतिबद्धता जनाएको छ ।