ऑधीखोला सांगीतीक सौगात -५ मा आधा दर्जन कलाकारले धमाका मच्चाउने

सोल – स्याङ्गजा परिवार दक्षिण कोरियाले सलनालमा आयोजना गर्ने ऑधीखोला सांगीतीक सौगात -५ का लागि कलाकारहरुको छनोट र हलको स्थान निश्चित गरिएको छ । सलनालको दोश्रो अर्थात् जनवरी २८ मा गरिने सांगीतिक प्रस्तुतिका लागि परिवारले नेपालबाट आधा दर्जन कलाकार भित्र्याउन लागेको छ भने कोरियामा रहेका कलाकारहरुको पनि प्रस्तुति रहने जानकारी गराईएको छ ।

स्याङ्गजा परिवारले नेपाली समुदायलाई मनोरञ्जन प्रदान गर्न चर्चित कलाकारलाई कोरियामा निम्त्याउने निर्णय गरेको छ । परिवारले टुङ्गो लगाएका कलाकारहरुमा सागीतिक र हाँस्य क्षेत्रमा चर्चित अनुहारहरु छन । संग्बुक कुमिन यसंग ह्य्वेग्वान (गत बर्ष गोरखा परिवारले कार्यक्रम गरेको हल ) मा परिवारले सांगीतिक कार्यक्रम राखेको छ ।

 
स्याङ्गजा परिवारले निम्त्याउने कलाकारमा चर्चित मोडल तथा डान्सर एलिसा राई ,सुगम तथा गजल गायक शिव परियार ,पप तथा आधुनिक गायिका आस्था राउत छन । त्यस्तै लोक दोहोरी गायक शिव हमाल र लोक दोहोरी गायिका कृष्णा गुरुङ र हाँस्यकलाकार निर आलेमगर छन । लुट -२ फिल्म मार्फत रजतपटमा दरिलो उपस्थिति देखाएकी डान्सर एलिसा राईले ठमेल बजार गित मार्फत दर्शकको वाहवाही बटुल्ने छिन । गत एक महिनाको समयावधिमा राईको नाच रहेको ठमेल बजार गित यु ट्युबमा ४२ लाख बढी दर्शकले हेरेका छन् । सुगम तथा गजल गितहरुमा स्रोताको मन जित्न सफल शिव परियार मनोरंजनका अर्का आकर्षण हुनेछन ।

 
युवा पुस्ताको संगीतको प्यास मेटाउन पप तथा आधुनिक गायिका आस्था राउतले स्टेज तताउनेछिन । दोहोरी पारखीहरुका लागि स्टेजमा अनवरत दोहोरी घम्साघम्सी खेलेर शिव हमाल र कृष्णा गुरुङले भरपुर मनोरंजन दिनेछन । पछिल्लो समय हास्यव्यंग्यमा जमेका कलाकार निर आलेमगर कार्यक्रमको थप रौनक निर आलेमगर हुनेछन् । आधिखोला सांगीतिक सौगात बिगतका भागहरु जस्तै यो पटक पनि शानदार रहनेमा सस्कृति बिभाग संयोजक सिपि मगर ढुक्क देखिए ।

 
स्याङ्गजा परिवारले ऑधीखोला सांगीतीक सौगात -५ सफल बनाउन मूलआयोजक समितिको मातहत रहने गरी उपसमितिहरु गठन गरेको छ । उपसमितिहरुमा हल ब्यबस्थापन , संस्कृति बिभाग , प्रचारप्रसार , आर्थिक ब्यबस्थापन रहेका छन । परिवारले गठन गरेका अन्य उपसमितिहरुमा अतिथि सत्कार, स्वमसेवक परिचालन र यातायात ब्यबस्थापन छन ।

 
यसै बीच सांगीतिक सौगातलाई सफल बनाउन स्याङ्गजावासीहरुको आगामी आइतबार नेपाल हाउसमा तयारी बैठक डाकिएको स्याङ्गजा परिवारका अध्यक्ष राजु भण्डारीले जानकारी गराएका छन ।