कोरियामा तमू ल्होसार भब्य रुपमा मनाईयो

सोल – गुरुङहरुको महान चाड तमू ल्होसार कोरियामा भब्य रुपमा मनाईएको छ | प्र ल्हो (बाँदर बर्ग )को बिदाई र च्यह ल्हो (चरा बर्ग )को स्वागत गर्दै पौष १५ गते मनाईने उक्त पर्ब कोरियामा भने दुई दिन ढिला गरि १७ गते मनाईएको छ |

कोरियामा ल्होसार दुई चरण विभाजन गरि मनाईएको थियो | पहिलो चरणमा औपचारिक मन्तब्य, भाषण गरि मनाईयो |औपचारिक कार्यक्रमको प्रमुख अतिथि श्रम सहचारि देबराज ढकाल थिए |

दोस्रो चरणमा सास्कृतिक कार्यक्रम गरिएको थियो ,जसमा तमूहरुको मौलिक संस्क्रिति सोरठी नाचँ र मौलिक संस्कृति झल्किने झाँकि प्रस्तुत गरिएको थियो|

उत्सबमा गुरुङ जातिसंग सम्बन्धित उच्च पदस्थ र बिशिष्ट ब्यक्ति सहित बिभिन्न संघ संथाका प्रतिनिधि सहभागि भएका थिए| कार्यक्रममा बिभिन्न संघ , संस्थाले आफ्ना कार्यक्रमको पोस्टर र पम्प्लेट पनि सार्वजनिक गरेका थिए|