कोरियामा औधोगिक दुर्घटना बढदो , दुई महिनामै चार नेपालीको ज्यान गयो

सोल – पछिल्लो चरणमा दक्षिण कोरियामा औधोगिक दुर्घटनामा परेर ज्यान गुमाउने नेपालीको सख्या बढदो छ | पछिल्लो दुई महिनामा मात्र चार नेपालीको दुर्घटनामा परेर ज्यान गएको छ |

गत बिहिबार मात्र छुन्छन बुक्दो ओछान स्थित प्लाष्टिक रिसाईकल गर्ने कम्पनीमा कार्यरत स्याङ्जा राङखोलाका होम बहादुर गुरुङको काम गर्ने क्रममा मेशिनले च्यापिएर मृत्यु भएको थियो |

त्यसै गरि डिसेम्बर २३ तारिखका दिन ह्वासंग सी फारनमा कार्यरत झापा शान्तिनगर-२ का २५ बर्षीय नविन राईको काम गर्ने क्रममै गाडीले किचेर मृत्यु भएको थियो भने डिसेम्बर १३ तारिखका दिन ख्वान्ग्जु स्थित टायल कम्पनीमा कार्यरत साटाखानी -४ सुर्खेतका उत्तम पंगालीको मेशिनको फितामा बेरिएर ज्यान गएको थियो |

गत अक्टोबर २९ मा पनि उमसङ देसो स्थित सङहोन प्राईत कम्पनीमा कार्यरत रुपन्देही मणिग्रामका ३९ बर्षीय नुभराज भुसालको काम गर्ने क्रममै मेशिनमा बेरिएर मृत्यु भएको थियो |

विभिन्न कारण २०१६ मा मात्र २० नेपालीको मृत्यु भएको थियो | अहिलेसम्म रोजगारीको लागि कोरिया आएर दुर्घटना , आत्महत्या , बिरामी हृदयघात र सुतेकै अवस्थामा मृत्यु हुने नेपालीको संख्या ११४ पुगेको छ |