आठौँ ईपीएस परीक्षा असारमा,फागुनको दोश्रो हप्ता सुचना

काठमाडौं-इपिएस कोरिया शाखाले २०७४ सालको असार पहिलो हप्ता कोरियन भाषा परीक्षा सञ्चालन गर्ने तयारी गरेको छ । शाखाका निर्देशक बाबुराम खतिवडाका अनुसार परीक्षाका लागि प्रारम्भिक तालिका तयार गरिएको छ । परीक्षा तालिकामा एचआरडी कोरियासँग छलफल गरिने छ । तालिका स्वीकृत भए सोही अनुसार परीक्षा सञ्चालन हुनेछ ।

शाखाले फागुनको दोश्रो हप्ता सुचना जारी गर्ने र चैतको दोश्रो हप्ता भाषा परीक्षाका लागि आवेदन खुल्ला गर्ने तयारी गरेको छ । यस वर्षदेखि आवेदन अनलाइनबाटै लिने तयारी गरिएको छ ।

गएको वर्षदेखि नै अनलाइनबाट फारम भर्ने तयारी गरिएपनि अन्तिममा रद्द गरिएको थियो । अनलाइन आवेदनका लागि अहिले सफ्टवेयर तयारी अवस्थामा रहेको इपिएस कोरिया शाखाले जनाएको छ ।

असारमै परीक्षाको नतिजा प्रकाशन गरिनेछ । त्यस्तै भदौ दोश्रो हप्ता स्किल टेष्ट लिइनेछ । अनलाइन परीक्षाका लागि पाँच वटा हल बनाइने एचआरडी कोरियाले सन् २०१९ जनवरीदेखि भाषा परिक्षा अनलाइनबाटै लिने निर्णय गरेपछि नेपालमा पाँचवटा सिबिटी हल निर्माण गरिने भएको छ ।

निर्देशक खतिवडाका अनुसार इपिएस शाखाले केही दिन भीत्रैमा सिबिटी हल निर्माणका लागि टेण्डर प्रक्रिया अघि बढाउने तयारी गरेको छ । झण्डै दुई वर्षमा हल निर्माण पूरा गर्ने प्राविधिकले जनाएका छन् । अनलाइन प्रणालीमा परीक्षा सञ्चालन भएपछि परिक्षार्थीले तत्काल आफ्नो नतिजा हेर्न सक्नेछन् ।-उज्यालो