कोपा डेल रेको क्वार्टर फाइनलबाटै रियल बाहिरियो

बेर्नाबेउ – घरेलु मैदानमा रियल म्यड्रिडको खराब नतिजाको सिलसिलाको कायमै रहँदा बेर्नाबेउमा बुधबार राति कोपा डेल रेको क्वार्टर फाइनलको दोस्रो लेगमा पराजित हुदै रियल म्यड्रिड प्रतियोगिताबाट बाहिरिएको छ।

यसअघि लेगानेसको मैदानमा भएको पहिलो लेगमा रियल १–० ले विजयी भएको थियो। दोस्रो लेगमा लेगानेससँग घरेलु मैदानमा २–१ ले पराजित भएपछि रियल प्रतियोगिताबाट बाहिरिएको हो।

समग्रमा २–२ को बराबरी लेगानेसले अवे मैदानमा दुुई गोलका कारण कोपा डेल रेको सेमिफाइनलमा स्थान बनायो।क्रिष्टियानो रोनाल्डो र गेरार्थ बेल बिनै मैदान उत्रिएको म्यड्रिडलाई ३१ औं मिनेटमा जावी इरासोले एक गोलले पछि पारेका थिए।

४७औं मिनेटमा करिम बेन्जेमाले बराबरी गोल फर्काए। ५५औं मिनेटमा इरासोको पासमा ग्याब्रियल पाइसेसको हेडर गोल मार्फत लेगासले जित हात पार्यो।