नेप्से सूचक वर्षकै न्यून बिन्दुमा

काठमाडौं – नेप्से सूचक ओरालो लाग्ने क्रम सोमबार पनि जारि रह्रो । बजार ४.४२ अंकले घटेर १३८०.२९ विन्दुले घटेपछि बजार लगभग एक वर्षयताकै न्यून बिन्दुमा आएको छ । २०७३ चैत ४ गते यताकै न्यून बिन्दुमा नेप्से आएको हो ।

कुल १५६ कम्पनीको २४ करोड ६७ लाख रुपैयाँभन्दा धेरैको सेयर कारोबार भएको छ । कुल ६ लाख ८४ हजार २८ कित्ता सेयर किनबेच भएका हुन् । नेप्सेमा कारोबार भएका १० वटा समूहमध्ये ३ वटा समूहका सूचकमा हरियाली देखिएको छ भने बाँँकी सबै समूहका सूचक तल झरेका छन् ।

कारोबार रकम पनि घटेर २४ करोड रुपैयाँमा सीमित भएको छ । आज साल्ट ट्रेडिङ कर्पोरेसनका लगानीकर्ताले सेयर मूल्य १० प्रतिशतले वृद्धि भएका कारण सबै भन्दा बढी कमाएका छन् भने दिव्यश्वरी हाइडोपावरका लगानिकार्ताले सबैभन्दा धेरै गुमाएका छन् । यो कम्पनीको सेयर मूल्य ५.४७ प्रतिशतले घटेको छ ।