विश्वकप खेल्ने नेपाली टोलीको घोषणा , ललितको डेब्यु

काठमाडौं – जिम्बावेमा फागुन २० गतेदेखि सुरु हुने एकदिवसीय विश्वकप छनोट प्रतियोगिताका लागि नेपाली राष्ट्रिय टिमको घोषणा भएको छ।

अन्तर्राष्ट्रिय क्रिकेट काउन्सिल (आइसिसी)ले आइतबार जारी गरेको विज्ञप्तिमा नेपाली टोलिको घोषणा भएको उल्लेख छ। अाइसीसीले जारी गरेको विज्ञप्तिमा कप्तान पारस खड्काको कप्तानीमा १५ सदस्यीय नेपाली टोलीको घोषणा गरिएको हो।

टोलीमा पहिलोपटक युवा स्पिनर ललित नारायण राजबंशीलार्इ समेटिएको छ। विश्वकप छनोट खेल्ने नेपाली टोली यस्तो छ:-

पारस खड्का (कप्तान), ज्ञानेन्द्र मल्ल, दीपेन्द्रसिंह ऐरी, शक्तिप्रसाद गौचन, बसन्त रेग्मी, शरद भेषावकर, सोमपाल कामी, करण केसी, आरिफ शेख, सन्दीप लामिछाने, दिलीप नाथ, ललित भण्डारी, अनिलकुमार साह, रोहितकुमार पौडेल र ललितनारायण राजवंशी

विश्वकप छनोटमा नेपालको पहिलो खेल फागुन २० गते अायोजक जिम्बावेसँग छ। यस्तै, नेपालले फागुन २४ गते स्कटल्यान्ड, फागुन २६ गते अफगानिस्तान र फागुन २८ गते हङकङको सामना गर्नेछ।