चलचित्र ‘क्याप्टेन’को ‘कर्ली कर्ली कपाल’ सार्बजनिक

काठमाडौं : चलचित्र ‘क्याप्टेन’को गीत ‘कर्ली कर्ली कपाल’ सार्वजनिक भएको छ । शुक्रबार राजधानीमा आयोजित एक कार्यक्रमकाबीच चलचित्रको दोस्रो गीत सार्वजनिक गरिएको हो । रेनशा राईको नृत्य निर्देशन रहेको गीतमा अनमोल केसी, निरुता सिंह र भुवन केसीलाई देख्न सकिन्छ ।

निर्माता भुवन केसीकाअनुसार फुटबल खेल जितिसकेपछि इशान खड्का नामक पात्रले गर्ने सेलिव्रेसनमा गीत आधारित छ । एसडी योगी र सुशान्त गौतमको सङ्गीत, हर्क साउद र मनिष ढकालको शब्द, मेलिना राई र एसडी योगीको स्वर रहेको छ गीतमा । यही फाल्गुन १७ देखि सिनेमाघरमा आउन लागेको यो चलचित्रलाई दिवाकर भट्टराईले निर्देशन गरेका हुन । सुपर काजल फिल्मस्को निर्माण रहेको चलचित्रले एक फुटबल खेलाडीको जीवन यात्राको कथा भन्छ ।