गायिका ओङमु लामा शेर्पा सांगीतिक क्षेत्रमा चर्चाको शिखर चड्दै

काठमाडौँ : भोजपुर जिल्लामा जन्मेर बाल्यकाल धरानमा बिताएकी गायिका ओङमु लामा शेर्पा काठमाडौँलाइ कर्मथलो बनाएर सांगीतिक क्षेत्रमा सक्रिय छिन l सानै उमेर देखि संगीतमा रुचि राख्ने गायिका ओङमु आफ्नो अध्ययन संगै बिगत २ बर्ष देखि संगीतमा निरन्तर लागि परेकी छिन l आफ्नो जब, अध्यन संगै संगीतमा निरन्तर साधनारत सुमधुर गायिका ओङमुको पहिलो गित “मुटु माथी बर्सीएका अनेक चोटहरु” अत्याधिक दर्शक श्रोताको रोजाइमा पर्न सफल भएको थियो l

दर्जनौ गीतहरु सांगीतिक बजारमा पस्किसकेकी गायिका ओङमुले “गुराँस हौ कि तिमी” “उकाली चर्दा तीर्खामा लाग्यो” “यार्चा गुम्बा चौरी गाई वन्ने सोङ” लगायत सेलो गितहरुमा आफ्नो जादुमय आवाज भरिसकेकी छिन l छोटो समयमा नै लाखौ दर्शक श्रोताको मन मुटुमा बस्न सफल गायिका भविष्यमा एक सफल तथा चर्चित गायिका बन्न चाहन्छिन l

आफ्नो पहिलो एल्बम समेत सांगीतिक बजारमा पस्किसकेकी गायिका ओङमु लामा शेर्पा सरल सधै हासेर बोल्ने अतिनै मिलनसार स्वभाबकी मिठो आवाजको धनि छिन । दर्जनौ स्टेज कार्यक्रम देखि मेला महोत्सबहरुमा समेत आफ्नो गायन प्रतिभा पस्केर हजारौ दर्शकको मन जित्न सफल साच्चै उनीमा हर प्रकारको गीत गाउन सक्ने क्षमता पनि छ त्यसैले त उनी भन्छिन् गीत संगीत मेरो प्राण हो, संगीत मेरो रगतमा छ र मेरो हरेक धड्कनमा छ ।