निर्माण अगाबै चर्चामा ‘नदेखिएको जात’

काठमाडौं । युवा तथा सामाजिक क्रान्तिका लागि प्रेम गर्नेहरुको उदाहरण बनेका छन् निर्देशक बेदप्रसाद भुर्तेल । उनको आफ्नै बास्तविक कथामा चलचित्र ‘नदेखिएको जात’ निर्माण हुने भएको छ । छायाँकनको तयारीमा रहेको ‘नदेखिएको जात’मा पटकथा, सम्वाद शिवम् अधिकारी, संगित सन्तोष श्रेष्ठ, गायन प्रमोद खरेल र नवराज थापा मगरको रहने छ । गीत रेकर्डिङ कार्य सक्किसकेको छ । बिरु थापाको प्रस्तुती, डिल्ली खतिवडा र नविन पाठक निर्माता, उत्तम राना, विशाल राना कार्यकारी निर्माता रहने चलचित्र ‘नदेखिएको जात’ को निर्देशन बेदप्रसाद भुर्तेलले गर्नेछन् ।

चलचित्रको कथाले एउटा सत्य घट्नालाई उठान गरेको लेखक, निर्देशक बेदप्रसाद भुर्तेलले बताए । यस चलचित्रमा अधिकाँश पात्र जिवन्ततामा जोडीएका ब्यक्ति हुने बताईएको छ । बिरु गुरुङ, आदित्य भट्टराई लगायतका कलाकारको साथमा नवप्रस्तुति सब्नम थापाको पनि अभिनय रहनेछ । निर्देशक भुर्तेलले ‘संजोग’ र ‘कुर्बान’ नामक चलचित्रको निर्देशन गरिसकेका छन् । समाजमा जातिय बिभेदको पक्षमा आवाज उठाउदै आएका निर्देशक भुर्तेलले निर्देशन गर्ने ‘नदेखिएको जात’ चलचित्रको बिषय पनि सन्देश मुलक हुने बताईएको छ । पबित्र प्रेमको बन्दनमा सामाजिक मान्यता भित्र ‘नदेखिएको जात’ चलचित्रले समाजमा देखिएको ब्याप्त बिभेदकारी समस्याको अन्त्य र संघर्षशिल युवा माझ सकारात्मक सन्देश प्रबाह गर्न कोशेढुङ्गा सावित हुने अनुमान गर्न सकिन्छ । एउटाको भोगाई अरुका लागि कथा पनि हो । एउटाको भोगाई अरुले देख्ने हो, सुन्ने हो र मनन गर्ने हो । यस्तै एउटा अनौठो भोगाईका पात्र हुन् निर्देशक वेदप्रसाद भुर्तेल । जसको भोगाई पर्दामा उत्तार्ने तयारी भैरहेको छ । सानै उमेर देखि कुसंस्कार विरुद्ध लागेका भुर्तेल समाजमा रहेको अन्धविश्वासको पर्खाल तोड्दै २०६८ सालको पुसमा अन्तरजातीय विवाह गरे । झापाको अर्जुनधाराकी निलम सुनाम दर्जीसँग प्रेम विवाह गरेका भुर्तेलले आफ्नै गाउँ चुलाचुली पुगेर पुसमै विवाह दर्ता पनि गरे । तर, दुर्भाग्य, सोही सालको चैतमा जिल्ला अदालत विराटनगरमा सम्बन्ध विच्छेदसंमको बास्तविक घट्नालाई चलचित्रमा समेटिने निर्देशक भुर्तेलले बताए ।