बालाजुमा सर्भिसिङ गर्न ल्याएको बसमा शव भेटियो

काठमाडौँ : राजधानीस्थित बालाजु औद्योगिक क्षेत्रनजिकै सर्भिसिङका लागि ल्याएको बसमा शव भेटिएको छ। काठमाडौं महानगर १६ स्थित बालाजुमा बिहीबार बाराका कुमार सुनुवारको शव भेटिएको प्रहरीले जनाएको छ।

औद्योगिक क्षेत्रमा रहेको लेल्याण्ड कम्पनीमा सर्भिसिङ गर्न ल्याएको बा.५ख २९६७ नम्बरको बसमा ड्राइभरपछाडिको सिटमा सुनुवारको शव भेटिएको हो। सुनुवार काठमाडौं नारायणथानमा डेरा गरी बस्दै आएका थिए।

घटनामा संलग्न रहेको आशंकामा प्रहरीले बसका चालक र सहचालकसहित ३ जनालाई नियन्त्रणमा लिई अनुसन्धान थालेको छ।