१० जना प्रतिश्प्रधि बीच पाँचौ भक्तपुर महोत्सबमा नृत्य प्रतियोगिताको ग्राण्ड फिनाले बैसाख ४ गते हुदै

काठमाडौँ : पाँचौ भक्तपुर औधोगिक सांस्कृतिक, पर्यटन तथा व्यापार मेला २०७५/७६ को १४ औ दिन अर्थात बैसाख ४ गते बुधबार डान्स कम्प्टिसनको ग्राण्ड फाइनल हुने भएको छ । इलिमिनेट राउण्ड बाट छनौट हुदै सेमी फाइनल राउण्ड सम्म आउदा १० जना प्रतिश्प्रधिहरुले फाइनलमा भिड्ने भएका छन् । जसमा बिजय तामाङ, राजन शाही, रुपा कुमारी पुलामी, रुपा लामा, नेक्सन डान्स एकेडेमी ग्रुप, अभिमा तामाङ, सन्जु, तामाङ, नेसन मगर, अभिषेक तामाङ र रेजिना सिलवालले अन्तिम प्रतिस्स्प्रधामा भाग लिने भएका छन् । “नयाँ बर्ष नया सोच, युवाहरुको लागि छ प्रगतिको श्रोत” भन्ने मूल नाराका साथ नेपाली नयाँ बर्षको पूर्व सन्ध्यामा भक्तपुरमा पाँचौ भक्तपुर औधोगिक सांस्कृतिक, पर्यटन तथा व्यापार मेला २०७५/७६ चैत २१ गते देखि बैशाख ४ गते भक्तपुरको सल्लाघारी स्थित तिनकुने चौरमा समापन हुदैछ । डान्स कम्पिटिसनको संयोजक सन्जिब बस्नेत रहेका छन् ।

लामो समय देखि नेपालका विभिन्न जिल्लाहरुमा औधोगिक तथा व्यापार मेला गर्दै आएको सस्था औधोगिक शान्ति नेपाल सस्था र मध्यपुर ब्वाइज ब्याण्ड नेपाल सस्थाको संयुक्त आयोजनामा भक्तपुरमा पाँचौ पटक “पाँचौ भक्तपुर औधोगिक सांस्कृतिक, पर्यटन तथा व्यापार मेला २०७५/७६” आयोजना भएको हो । यो महोत्सब १४ दिन सम्म चलेको छ ।