कुवेतमा नवनियुक्त राजदूतलाई स्वागत

कुवेत-एनआरएनए कुवेतलगायत कुवेतको नेपाली समुदायले शुक्रबार कुवेतका लागि नवनियुक्त राजदूत दुर्गाप्रसाद भण्डारीको स्वागत गरेका छन् ।

कुवेतको फरवानियास्थित चेफ नौशद रेष्टुरेँटमा आयोजित स्वागत कार्यक्रममा राजदुत भण्डारीले स्वागत समारोहलाई सम्बोधन गर्दै कुवेतमा रहेका श्रमिक नेपालीहरूलाई प्रवासको बसाइको क्रममा आउने जस्तोसुकै समस्यालाई पनि समाधान गर्न आफू लाग्ने र सम्पूर्ण कुवेतवासी नेपालीहरूको आफूलाई सहयोगको खाँचो रहेको बताए ।

स्वागत कार्यक्रममा राजदूत भण्डारी र उनकी धर्मपत्नीलाई आयोजक एनआरएनए कुवेतलगायत कुवेतमा क्रियाशील नेपाली सँघसंस्था पत्रकार, बुद्धिजीवी, समाजसेवी, कलाकारहरूले पुष्पगुच्छा र दोसल्ला ओढाई स्वागत गरिएको थिए।