रिना बस्नेतलाई कमल नेपालले बारम्बार फोन गरिरहेका थिए

आइतबार मृत अवस्थामा भेटिएको पथरीकी २९ वर्षीया रिना बस्नेतलाई कमल नेपाल भन्ने व्यक्तिले बारम्बार फोन गरिरहेको मृतकको छोरा साइमन बस्नेतले बताएका छन् ।

साइमनका अनुसार रिना कमल नेपाल नाम गरेका युवकसँग निरन्तर कुरा गरिरहन्थिन् ।

शनिबार रिना बर्थडे पार्टी र कन्सर्टमा हुँदा पनि उनले फोन गरिरहेका थिए तर, ममीले फोन नउठाएको उनले बताए । मामाघर जाने क्रममा आफूले पनि कमललाई भेटेको र आफूलाई फोन लगायतको उपहार दिएको उनले सुनाए ।

परिवारका सदस्यहरु रिनाको लडेर मृत्यु भएको नभई हत्या भएको हुनसक्ने बताउँछन् ।

प्रहरीले भने रिनाको मृत्यु शौचालय जाने क्रममा लडेर भएको अनुमान गरेको छ । शव प्रहरीले वीपी कोइराला स्वाथ्य विज्ञान प्रतिष्ठान धरानमा आफूखुशी लगेको भन्दै आक्रोश ब्यक्त गरेका छन् ।