मनकारी कलाकार नयन डिसीको जन्मदिन अनाथलय तथा वृद्धाआश्रममा

काठमाडौँ, २७ वैशाख । अभिनेता मोडल कलाकार, एरोबिक प्रशिक्षक एवं समाजसेवी नयन डिसीले जन्मदिनका अवसरमा अनाथालय, मानवसेवा आश्रम र वृद्धाआश्रमलाई सहयोग गरेका छन् ।

कलाकार डिसीले आज आफ्नो जन्मदिनको अवसर पारेर मानसेवा आश्रम गोँगबु, नवोकिरण चिल्ड्रेन होम ललितपुर र मातातीर्थ वृद्धाआश्रम चन्द्रागिरीलाई सहयोग गरेका हुन् ।

पछिल्लो समय म्युजिक भिडियोमार्फत नेपाली कला क्षेत्रमा महत्वपूर्ण योगदान पु¥याउँदै आएका डिसीले गत वर्ष झैँ यसवर्ष पनि बालबालिका तथा वृद्धवृद्धालाई सहयोग गरेका हुन् ।

कलाकार तथा समाजसेवी डिसीले वर्षभरी कमाएको पैसा दुःख पाएका आमाबाबु तथा नानीहरुलाई थोरै भएपनि राहत पुग्ने उदेश्यले विगतदेखि नै सहयोग गर्दै आएको जानकारी दिनुभयो ।

उनले गतवर्षको जन्मदिनमा बालबालिका आश्रम शिवपुरी, संयुक्त अपाङ्ग एकता आवाज केन्द्र गोकर्ण र मानवसेवा आश्रम गोँगबुमा सहयोग गर्नुभएको थियो । यस्तै, उनले गत वर्ष राप्ती नदीका बाढीपीडितलाई आर्थिक सहयोग, चैतमा बारा, पर्साका बाढीपीडितलाई खाद्यान्न तथा लत्ताकपडा प्रदान गरेका थिए ।