प्रम ओलीलाई गाङनाम विश्वविद्यालयको विद्यावारिधि

काठमाडौं-प्रधानमन्त्री केपी शर्मा ओलीलाई कोरियाको गाङनाम विश्वविद्यालयले मानार्थ विद्यावारिधिको उपाधि प्रदान गरेको छ ।

आज एक कार्यक्रमको आयोजना गरेर विश्विद्यालयलका प्रेसिडेन्ट डा.शिनिल युनले प्रधानमन्त्री ओलीलाई उपाधि प्रदान गरेका हुन्।

प्रधानमन्त्री ओलीले नेपालमा लोकतन्त्रका लागि उच्च योगदान गरेको भन्दै उक्त विश्वविद्यालयले सो उपाधि प्रदान गरेको जनाएको छ।

उपाधि ग्रहणपछि बोल्दै प्रधानमन्त्री ओलीले आफूले पाएको मानार्थ विद्यावारिधि कोरियाले सम्पूर्ण नेपालीले गरेको सम्मानको रूपमा लिएको बताए।

‘यो सम्मान मेरो व्यक्तिगत होइन सम्पूर्ण नेपालीको सम्मान हो’, प्रधानमन्त्री ओलीले भने।

प्रधानमन्त्री ओलीले कोरियाको विकासबाट नेपालले धेरै कुरा सिक्न सक्ने बताए।

‘कोरिया सही नीति, सही दृष्टिकोण र दृढ संकल्पबाट छोटो समयमा विकासको उच्च विन्दुमा पुग्यो,’ प्रधानमन्त्री ओलीले भने, ‘नेपाल केही समयपछि पर्‍यो तर अहिलेको सरकारको नेतृत्वले सही नीति र दृष्टिकोण लिएर अघि बढेकोले नेपाल पनि अब छोटो समयमै विकसित हुनेछ।’