राखेपले गर्यो क्रिकेटका नयाँ प्रशिक्षकसंग सम्झौता

काठमाण्डाै-राष्ट्रिय खेलकुद परिषदले राष्ट्रिय क्रिकेट टिमको प्रशिक्षकका लागि उमेश पटवालसंग सम्झौता गरेको छ ।

राष्ट्रिय खेलकुद परिषद्को पहलमा आइसीसीले पटवाललाई एक बर्षका लागि नेपालको प्रशिक्षकका रुपमा नेपाल पठाएको हो ।

पटवालले जुन १० तारिखदेखि मुख्य प्रशिक्षकको काम शुरु गर्ने छन् | सम्झौता अनुसार आईसीसीले पटवाललाई महिनाको सात हजार अमेरीकी डलर परिषद् मार्फत उपलब्ध गराउनेछ ।

सम्झौता कार्यक्रममा सदस्यसचिव केशव विष्टसहित प्रशिक्षक जगत टमाटा, शैलेश कर्माचार्य लगायतको उपस्थिति रहेको थियाे । कार्यक्रममा प्रशिक्षक टमाटाले सबैले सहयोग गर्ने र कुनै पनि आवश्यकता परेमा आफ्नो तर्फबाट सक्दो सहयोग गर्ने बताउनुभयाे ।

यस्तै कप्तान पारस खड्काले टमाटाको सहयोगका लागि धन्यवाद दिए । यसका साथै क्यान निलम्बन भएको बेला सबैले सहयोग गर्ने अपेक्षा रहेको पारसले बताए ।