कबिता गेलाल (शर्मा) नेपाल चलचित्र कलाकार संघको सचिब पदमा भिड्दै

काठमाडौँ: बिगत २ दशक देखि कलाकारिता क्षेत्रमा लागि परेकि सफल अभिनेत्री तथा कलाकार कबिता शर्मा गेलालले आगमी जेष्ठ २५ गते हुन गईरहेको नेपाल चलचित्र कलाकार संघको अधिबेसनबाट नयाँ कार्य समितिको लागि सचिब पदमा उम्मेदवारी दर्ता गराएकी छिन ।
विभिन्न चलचित्र, टेलिचलचित्र, म्युजिक भिडियो, व्यापारिक एड देखि विभिन्न कार्यक्रमहरुमा समेत अभिनय गरेर चर्चा कमाइसकेकि तथा नेपाल चलचित्र कलाकार संघमा बिगत केहि बर्षदेखि कार्यकारी सदस्यको रुपमा कलाकारहरुको हक हितमा काम गर्दै आएका अभिनेत्री कबिता कलाकार संघबाट आयोजित प्राय सबै कार्यक्रमहरु सफलतापूर्बक संचालन पनि गर्दै आएका छिन भने संघका सबै कार्यक्रमहरुमा सक्रिय भूमिका निर्बाहा गर्दै आएका छिन ।
यस्तै सक्रियतालाई निरन्तरता दिदै आगामी दिनहरुमा अझ बेशी सक्रियता जनाउदै कलाकारहरुको हक हीत र अधिकारको लागि सधै लागि पर्ने र कलाकार संघलाई सशक्त रुपमा अगाडि बढाउन पहल गर्ने अठोटको साथ आउने कार्यकालको लागि सचिब पदमा उम्मेदवारी दर्ता गराएको कुरा अभिनेत्री कबिता शर्मा गेलाल बताउछिन ।
उम्मेद्वारी दर्ता गर्नको लागि पनि आफूभन्दा अग्रज कलाकार, पत्रकार, तथा समकालीन साथीहरुसंग सल्लाह सुझाब लिएर अगाडि बढेको र आफूलाई सहयोग गरि बिजय गराई दिनु हुन कलाकारहरु, पत्रकारहरु सबैमा अभिनेत्री कलाकार शर्माले आग्रह गरेकी छिन ।