कलाकार संघ अमेरिका च्याप्टरले कैलाली हावा हुरी पिडित तथा कलाकार जयनेन्द्रलाइ आर्थिक सहयोग गर्दै

अमेरिका : नेपाल चलचित्र कलाकार संघ अमेरिका च्याप्टर, ग्लोबल नेपाली फिल्म अवार्ड तथा नेपाल फिल्म सोसाइटिले संयुक्त रुपमा कैलालीका हावा हुरी पिडित तथा कलाकार जयनेन्द्र जंग ठाकुरलाइ आर्थिक सहयोग गर्ने भएको छ । भर्खरै आएको डरलाग्दो हावा हुरी बाट प्रभावित भएका कैलालीबासि तथा बिगत लामो समय देखि बिरामी भएर थालिएका तथा आर्थिक अभाब भोग्दै आएका कलाकार जयनेन्द्र जंग ठाकुरलाइ केहि आर्थिक राहत स्वरुप उक्त आर्थिक सहयोग गर्न लागिएको कुरा नेपाल फिल्म सोसाइटीका अधक्ष्य कृष्ण मल्लले जानकारी गराए ।
नेपाल चलचित्र कलाकार संघ अमेरिका च्याप्टर तथा ग्लोबल नेपाली फिल्म अवार्डका अधक्ष्य नबराज श्रेष्ठको पहलमा अमेरीका निवासी कलाकारहरु मार्फत उक्त रकम आएको र नेपाल फिल्म सोसाइटीका मदु कुमार श्रेष्ठ, नारायण प्रधान, रबिन्द्र खड्का, राजेन्द्र बिसुराल, चेत बहादुर सिंह “राजा”, सुनिल कटुवाल र शंकरलाल श्रेष्ठको संयोजकत्वमा कैलालीका हावा हुरी पिडितलाइ रु. ४१,००० तथा कलाकार जयनेन्द्र ठाकुरलाइ रु. २०,००० भोलि आइतबार वितरण गरिने कुरा अभिनेता रबिन्द्र खड्काले बताएका छन् ।