पत्रकारलाई लोप्पा ख्वाउने मेयर चौधरीको भब्य स्वागत

काठमाडौं-पत्रकारलाई लोप्पा ख्वाउने र नाकको हड्डी भाँच्ने धम्कीदिने इटहरी उपमहानगरपालिकाका मेयर द्वारिकालाल चौधरीलाई स्थानीयले फूलमालाले स्वागत गरेका छन् । काठमाडौंबाट इटहरी पुगेका मेयर चौधरीलाई शुक्रबार विराटनगर विमानस्थलमा स्थानीयले फूलमालाले स्वागत गरेका हुन् ।

केही दिनअगाडि पत्रकारको नाकको डाँडी भाच्ने धम्की दिएपछि मेयर चौधरी आलाेचित भएका थिए । यही बेला स्थानीयले भने ‘भष्ट्राचारकाे विराेध गराैं, जताभावी कलम चलाउन पाइँदैन, भष्ट्र कर्मचारी चाहिँदैन’ भन्दै नाराबाजी गरेका हुन् ।

मेयर चौधरीले पत्रकार इटहरीकै पत्रकार विराट अनुपमलाई फोन गरी नाकको हड्डी भाँच्न एक करोड छुट्याएको भन्दै धम्क्याएका थिए ।

फेसबुक पोस्टमा ‘चाटुकार पत्रकार’ भनेर कमेन्ट गरेपछि किन यस्तो गरेको भनेर फोन गरेका अनुपमलाई मेयर चौधरीले, ‘तिम्रो नाकको हड्डी भाँच्नलाई एक करोड छुट्याको छु । एउटा घडेरी छुट्याको छु । तेरो नाकको हड्डी भाँचे मात्रै मलाई सन्तोष हुन्छ’ भन्दै धम्काएका थिए । त्यसयता उनकाे चर्काे विराेध भइरहेकाे छ भने केहीले राम्राे कदम भन्दै सपाेर्ट पनि गरिरहेका छन् ।

मेयर चौधरीले आत्मालोचना गर्नुपर्ने नेकपा नेताहरूले बताएका छन् भने संसदमा पनि मेयर चाैधरीबारे प्रश्न उठेकाे थियाे । संसदमा करोडौं खर्च गरेर सिध्याउँछु भन्नु लोकतान्त्रिक विधिभित्र नपर्ने भन्दै यसले यो विधि नै समाप्त भएको इंगित गर्ने भएकाेले मेयर चाैधरीलाइ कारबाही हुनुपर्ने सांसदहरुकाे अाशय थियाे । पत्रकारलाई कुटपिट गर्ने धम्की दिनेलाई फौजदारी अपराध अन्तरगत तत्काल कानूनको दयाराम ल्याउन उनीहरुले माग गरेका थिए ।