अपाङ्गलाई सहयोग गर्न पांचथर सेवा समाज कोरियाले छुसकमा कार्यक्रम गर्ने

सोल-रोजगार अनुमति प्रणाली (ईपीएस ) मार्फत कोरिया गएका नेपालीहरु समाज सेवाको भूमिकामा अगाडी नै छन् | काम गरेर बचेको समयमा स्वदेश तथा बिदेशमा आपत बिपतमा परेकालाई दिल खोलेरै सहयोग गर्छन | यति मात्र होइन देश र समाजको बिकासमा उनीहरुको योगदान महत्वपूर्ण रहँदै आएको छ |

यस्तै महान अभियान पाँचथर सेवा समाज दक्षिण कोरियाले शुरु गरेको छ | यस संस्थाले आगामी सेप्टेम्बरमा हुने कोरियन महान चाड छुसकको अवसर पारेर संस्कृतिक कार्यक्रम आयोजना गर्ने भएको छ |

सेप्टेम्बर १३ तारिक शुक्रवारका दिन हुने कार्यक्रमबाट उठेको रकमले पाँचथरका अपाङ्ग तथा असहायहरुलाई शिक्षा र स्वास्थ्यमा सहयोग गर्ने संस्थाका पदाधिकारीहरुले जनाएका छन |

‘पाँचथर सांगितिक सौगात भाग-१’ नाम दिइएको कार्यक्रमका लागि आवश्यक पर्ने रकम जिल्लाबाट कोरिया आएका सबै मिलेर चाहिने रकम संकलन गरिसकिएको संस्थाका महासचिव कमल खुदाङले बताए |

महासचिव खुदाङका अनुसार कार्यक्रममा नेपाली माझ चर्चा कमाइ रहेका लोकप्रिय कलाकारहरुको दमदार प्रस्तुति रहने छ।

कलाकारको नामावली र कार्यक्रमस्थल केहि दिनमै सार्वजनिक गर्ने महासचिव खुदाङको भनाइ छ ।

‘पाँचथर सांगितिक सौगात भाग-१’ कार्यक्रमलाई सभ्य र भब्य बनाइ दिन कोरियामा भएका बिभिन्न संघ संस्था, ब्यापारी, बुद्दिजिवि, पत्रकार तथा प्रवासमा रहनुहुने सम्पुर्णलाई संस्थाले अनुरोध गरेको छ |