कोरियामा आधुनिक कृषि तालिम लिदै नेपाली युवा

सोल-रोजगार अनुमति प्रणाली (ईपीएस) मार्फत दक्षिण कोरिया आएका नेपाली युवाहरुले यहाँको आधुनिक कृषि बिशेषज्ञद्वारा निशुल्क तालिम लिई रहेका छन् |

गैर नाफामुलक संस्था खाया ईन्टरनेशनलको आयोजना र सोल नगरपालिकाको प्रायोजनमा ईन्छनको मुइदो टापुमा रहेको अर्गानिक कृषि फार्ममा ५ हप्ते अर्गानिक कृषि तालिम संचालन गरिएको हो |

गत हप्तादेखि शुरु भएको यो तालिम यस कार्यक्रम सेप्तेम्बर १ तारिक समापन हुनेछ।

कोरियाबाट सिकेको सिपले स्वेश फर्केर आत्मनिर्भर बनाउने यस्ता तालिमको ठुलो भूमिका रहने तालिमको संयोजन गरिरहेका यम श्रेष्ठले बताए |

तालिममा नेपाल फर्केर कृषि सम्बन्धि केही काम गर्न तत्पर र इच्छुकहरुलाइ मध्यनजर गरेर यस तालिमको आयोजना गरिएको जनाइएको छ ।
यस संस्थाले बिगतमा पनि नेपाल लगाएत अन्य विभिन्न देशका बिदेशी कामदारहरुको लागि कृषि अवलोकन भ्रमण कार्यक्रम र प्रशिक्षणहरु दिदै आएको छ।

तालिम सम्बन्धी सुचना खुल्ला रूपमा सामाजिक संजाल मार्फत जानकारी गराएर सुरुमा सम्पर्कमा आउने इच्छुक ब्यक्तिहरुलाइ प्राथमिकता राखेर सहभागीहरु छनौट गरिएको हो।

नेपाल कृषी प्रधान देश भएको हुँदा यस तालिमले कोरियाको आधुनिक खेती प्रणाली, पद्धति र प्रबिधिहरु राम्रो संग बुझ्न र सिक्न सहयोग गर्ने आयोजक संस्थाले जनाएको छ |

किम्हे माइग्रेन्ट हाउसका संचालक यज्ञराज सुबेदिको पहल तथा सामाजिक अभियन्ता यम श्रेष्ठको संयोजनमा तालिम आयोजना भएको हो ।
तालिमको अवसरमा भाषा अनुबाद ज्ञान सागर भण्डारीले गरिरहेका छन् |

तालिम सकिएपछि सोल नगरपालिका र खाया संस्थाले संयुक्त रुपमा प्रमाणपत्र प्रदान गर्ने जनाइएको छ |