‘विप्लव’ को बन्दले जनजीवन प्रभावित

काठमाडौं-नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी (नेकपा) ले आज  घोषणा गरेको नेपाल बन्दले जनजीवन  प्रभावित  भएको छ |

पार्टीका सर्लाही जिल्ला इन्चार्जकुमार पौडेलको हत्या गरेपछि यसको  विरुद्ध आज नेपाल बन्दको घोषणा गरेको हो ।

बन्दको कारण उअप्त्यबाट छुट्ने लामोदूरीका सवारी साधन चलेका छैनन् | त्यस्तै शैक्षिक संस्था र पसल समेत खुलेका छैनन् |

गत शुक्रवार एक विज्ञप्ति जारी गर्दै नेकपाका महासचिव विप्लवले ४ दिने आन्दोलनका कार्यक्रम घोषणा गरेका थियो ।

आन्दोलनका कार्यक्रमहरुमा असार ७ गते प्रचार–प्रसार, असार ८ गते कोणसभा तथा घरदैलो, ९ गते मसाल जुलुस र १० गते नेपाल बन्दको कार्यक्रम तय गरिएको थियो ।

बिज्ञप्तिमा ओली नेतृत्वको सरकारले मुठभेडका नाममा देशव्यापी रुपमा निशस्त्र कार्यकर्ता माथिको हत्याश्रृंखला बढाएको विरोधमा आन्दोलनका कार्यक्रम घोषणा गरिएको उल्लेख गरिएको छ |