कोरियन र बिदेशी कामदारको ज्याला फरक हुनुपर्ने बिपक्षी दलको माग

सोल-दक्षिण कोरियाली राष्ट्रपति मुन जे इनले सन् २०२० सम्मका लागि मजदूरहरुको न्यूनत्तम ज्याला प्रतिघन्टा दश हजार वन पुर्याउने कार्ययोजना बनाइ रहेका बेला मुख्य बिपक्षी पार्टीका अध्यक्ष ह्वान क्यो अहनले कोरियन र बिदेशी कामदारको ज्याला फरक हुनुपर्ने राय व्यक्त गरेका हुन् |

उनले बुसानमा आयोजना गरिएको उद्योग बाणिज्य संघमा यस्तो भनाइ राखेका थिए |

कोरियामा साना तथा मझौला उद्योगहरुलाई पर्न गएको भारलाई कम गर्न यो प्रस्ताब उनको पार्टी लिबर्टीले अघि सारेको हो |
कोरियन र बिदेशी कामदारलाई दिइने ज्यालामा सानता हुनु उचित नभएको उनको भनाइ थियो |

समान ज्यालाले स्वदेशी कामदारले देशका लागि दिएको योगदानको कदर नहुने भएकाले बिदेशी कामदारको तुलनामा स्वदेशी कामदारको ज्याला उच्च हुनुपर्ने ह्वानले बताए |

ह्वान भूतपूर्व राष्ट्रपति पार्क गुन हेका पालामा दुई बर्ष प्रधानमन्त्री भएर जिम्मेवारी सम्हालेका थिए |

ह्वानको भनाइ सार्बजनिक भए लगतै कोरियन मजदूर संगठनहरुले यसको बिरोध गरेका थिए |

प्रवासी मजदूर युनियन लगायतका मजदूर संगठनले प्रतिघन्टा ज्याला दश हजार वन हुनुपर्छ भन्दै आन्दोलन गरिरहेका छन् |