मेलिना र निमको स्वरमा ‘कति माया’ सार्बजनिक (भिडियोसहित)

काठमाडौं : मेलिना राई र निम शिरीषको स्वरमा रहेको गीत ‘कति माया…’ सार्वजनिक भएको छ । मधु न्यौपानेको शब्द, तारावीर पाण्डेको सङ्गीत, केवी भण्डारीको एरेञ्ज र सन्तोष पौडेलको मिक्सिङ रहेको गीतको भिडियो सार्वजनिक भएको हो ।
रोजेल थापाले निर्देशन गरेको गीतको भिडियोमा कमल सिं र सृष्टि खडकालाई फिचरिङ गरिएको छ । जनकराज अधिकारीको छायाँकन रहेको भिडियोलाई अनिल रानाले सम्पादन गरेका छन् ।

निम शिरीष यो डेब्यु गीत हो । उनलाई तारावीरले डेब्यु गराएका हुन् । ‘पहिलो गीत स्रोता/दर्शकमाझ ल्याउन पाउँदा आफू निक्कै उत्साहित भएको छु’, निमले भने- ‘राम्रो प्रतिक्रिया पनि पाइरहेको छु, आशा छ सबैले मनपराईदिनुहुने छ ।’