संखुवासभामा प्रहरी र विप्लव समुहबीच मुठभेड

काठमाडौं-संखुवासभामा नेपाल प्रहरी र नेत्रविक्रम चन्द विप्लव नेतृत्वको नेपाल कम्युनिस्ट पार्टी ९नेकपा० बीच मुठभेड भएपछि काठमाडौंबाट प्रहरीको टोली घटनास्थलतर्फ खटिएको छ।

प्रहरी प्रधान कार्यालयका एसपी रमेश थापाका अनुसार इन्सपेक्टर शेखरजंग मल्लको नेतृत्वमा सेनाको हेलिकप्टरमार्फत टोली संखुवासभा गएको हो। त्यस्तै सशस्त्र प्रहरीका इन्सपेक्टर उमेश थापाको कमाण्डमा पनि टोली संखुवासभा गएको छ।

३५ जना नेपाल प्रहरी र १० जना सशस्त्र प्रहरी टोली घटनास्थलमा पुगेको हो।

सिलिचोङ गाउँपालिका१ होयङ्ला भन्ने ठाउँमा प्रहरी र विप्लव समूहबीच मुठभेड भएको हो। सो क्रममा प्रहरीले विप्लव समूहका एक जनालाई नियन्त्रणमा लिएको छ।

उक्त समूह आइतबार भोजपुर हुँदै होयङ्ला आइपुगेको थियो। आज सोलुखुम्बुतिर जाने क्रममा प्रहरीसँग मुठभेड भएको हो।

अहिले सो क्षेत्रमा हेलिकप्टरमार्फत गस्ती गरिएको छ।

विप्लव समूहका कार्यकर्ताले प्रहरीतर्फ फायर गर्दै जंगलतर्फ भागेको प्रहरीले जनाएको छ। दुवैतर्फ कुनै क्षति भने नभएको प्रहरीले जनाएको छ।