उत्तर कोरियाले भन्यो, ‘अमेरिकाको व्यवहार शत्रुतापूर्ण’

सोल- उत्तर कोरियाली नेता किम जोङ्ग उन र अमेरिकी राष्ट्रपति डोनाल्ड ट्रम्प बीच ऐतिहासिक भेटघाट भएको केहि दिनमै उत्तर कोरियाले अमेरिकालाई ‘शत्रुतापूर्ण व्यवहारबाट डगमग नभएको’ आरोप लगाएको छ।

दुई देशबीच परमाणु सम्बन्धी वार्तालाई पुन: सुचारू गर्नका लागि भएको पछिल्लो सम्झौताबीच प्योङ्याङ्‍को त्यस्तो भनाई आएको बीबीसीले जनाएको छ |

संयुक्त राष्ट्रसङ्घका लागि उत्तर कोरियाली प्रतिनिधिमण्डलले बुधवार अमेरिकाले ‘प्रतिबन्धहरूप्रति आशक्ति देखाएको’ बताएको थियो।

उसले वासिङ्टनलाई कोरियाली प्रायःद्वीपको शान्तिपूर्ण अवस्थालाई अवमूल्यन गर्ने प्रयास गरेको आरोप लगाएको छ।

अमेरिकी राष्ट्रपति ट्रम्पले उत्तर कोरियाली समकक्षी किमलाई आइतबवार दुई कोरियाको simana डीएमजेडमा भेटेका थिए।

ट्रम्प उत्तर कोरियाली भूमिमा पाइला टेक्ने पहिलो सत्तासीन अमेरिकी राष्ट्रपति समेत बनेका थिए। उनीहरूबीच भएको झण्डै एक घण्टा लामो वार्तामा निशस्त्रीकरण सम्बन्धी अवरूद्ध वार्तालाई पुन: सुचारू गर्ने कुरा भएको थियो।