ग्लोबल आइएमइ बैंक र जनता बैंक आपसमा मर्ज हुने

काठमाडौं- ग्लोबल आइएमइ बैंक र जनता बैंक आपसमा मर्ज हुने भएका छन् । दुबै बैंकका अध्यक्षले मर्जर सम्बन्धी समझदारीपत्रमा हस्ताक्षर गरेको छन। आधा दर्जन बढि संस्थालाई गाभेको ग्लोबल आइएमइ बैंकले जनतासँग मर्ज गर्ने गरी दुबै बैंकका अध्यक्षले साङ्ग्रिला होटलमा भएको छलफलमा समहति पत्रमा हस्ताक्षर गरेका छन।

राष्ट्र बैंकका गभर्नर डा. चिरञ्जिबी नेपालले मौद्रिक नीतिअघि जोडी खोजिसक्न सबै बैंकलाई निर्देशन दिएपछि ग्लोबल निरन्तर मर्जरको पहलमा थियो।

समझदारीत्रमा सेयर आदान प्रदान अनुपात (स्वाप रेसियो) ८५ प्रतिशत रहने भद्र समति गरिएको स्रोतको दाबी छ । ग्लोबलका अध्यक्ष चन्द्र ढकाल र जनता बैंकका अध्यक्ष केशव रायमाझीले समझदारीपत्रमा हस्ताक्षर गरिसकेका छन् ।

मर्जरसम्बन्धी औपचारिक जानकारी आजै दिइने भएको छ। स्रोतका अनुसार प्रमुख कार्यकारी अधिकृतमा जनताका पर्शुराम कुँवर क्षेत्रीले निरन्तरता पाउने छन्। बरिष्ठ डेपुटी सिइओमा महेश ढकाल रहने गरी सहमति भएको छ।

सम्पति तथा दायित्व मूल्यांकनपछि शेयर आदन प्रदान अनुपात कायम गरिने भएपनि प्रारम्भिक मूल्यांकनमा जनतालाई एक शेयर बराबर ८५ रुपैयाँ हाराहारी दिने सहमति भएको स्रोतको दाबी छ।