नेपालले मलेसियाबिरुद्दको सिरिजमा क्लिनस्वीप गर्यो

काठमाडौं-नेपालले मलेसियाबिरुद्दको दुई अन्तर्राष्ट्रिय टी ट्वान्टी सिरिजमा क्लिनस्वीप गरेको छ । दोस्रो खेलमा मलेसियालाई ६ रनले पराजित गर्दै नेपालले २ – ० ले सिरिज क्लिनस्विप गरेको हो ।

पहिलो खेलमा नेपालले मलेसियालाई ७ विकेटले पराजित गरेको थियो । मलेसियाले दिएको १ सय २९ रनको चुनौती नेपालले ९ वल अगावै ३ विकेट गुमाएर पुरा गर्यो ।

दोस्रो खेलमा नेपालले दिएको १ सय ७४ रनको लक्ष्य पछ्याएको मलेसियाले निर्धारित ओभरमा ७ विकेट गुमाएर १ सय ६७ रन मात्र बनाउन सक्यो । मलेसियाले ६ रनको हार बेहोर्यो ।

सिंगापुरमा हुने आइसीसी एसिया टी ट्वान्टी विश्वकपको एसियाली छनोटको तयारीमा रहेको नेपालको मलेसिया अभ्यासपछि उतैबाट आयोजनास्थल सिंगापुर जानेछ ।

अष्ट्रेलियामा हुने टी–२० विश्वकप क्रिकेटको एसियाली छनोट जुलाई २२ देखि २८ सम्म सिंगापुरमा आयोजना हुनेछ । सो प्रतिस्पर्धामा नेपालसहित सिंगापुर, मलेसिया, कतार र कुवेतले प्रतिस्पर्धा गर्नेछन् । शीर्ष स्थानमा रहने टोलीले ग्लोबल क्वालिफायर खेल्ने अवसर पाउनेछ ।