अष्ट्रेलियामा ६.६ रेक्टरको भूकम्प

काठमाडौँ-अष्ट्रेलियामा आइतबार बिहान शक्तिशाली भुकम्प गएको छ |

६.६ रेक्टर स्केलको सो भुकम्प उत्तरपश्चिमी क्षेत्रमा गएको हो । हिन्द महासागरको १० किलोमिटर तल केन्द्रविन्दु भएर भूकम्प गएको त्यहाँका अधिकारीहरुले जनाएका छन् ।

भूकम्पले ठूलो क्षेत्रमा प्रभाव परे पनि घाइते तथा क्षतिको विवरण भने अहिलेसम्म नआएको उनीहरुको भनाई छ । अमेरिकी भूगर्भ मापन केन्द्रले भूकम्पपछिको आँधीको कुनै खतरा भने नरहेको स्पष्ट पारेको छ ।

ब्रुम प्रहरी विभागले झण्डै एक मिनेटसम्म घरहरु हल्लिए पनि कुनै क्षतिको विवरण प्राप्त भइनसकेको जानकारी दिएको छ ।

राष्ट्रिय प्रसारण एबीसीले भने सामान्य क्षतिका केही खबर आएपनि कसैको मृत्यु भएको वा कोही घाइते भएको खबर नआएको जनाएको छ ।