१५ वर्षीया बालिका बलात्कार गर्ने पक्राउ

ताप्लेजुङ्ग-१५ वर्षीया बालिकालाई बलात्कार गरेको आरोपमा ताप्लेजुङ प्रहरीले फुङलिङ नगरपालिका २ का २१ वर्षीय रमेश तोलाङलाई पक्राउ गरेको छ । आरोपि तोलाङलाई प्रहरीले असार ३० गते गिरफ्तार गरेको हो ।

पीडित बालिकालाई आरोपितले असार २८ गते बलात्कार गरेको आरोपमा पीडित पक्षले असार २९ गते जिल्ला प्रहरी कार्यालय ताप्लेजुङमा उजुरी दिएपछि अनुसन्धानका लागि गिरफ्तार गरिएको इन्स्पेक्टर विष्णबहादुर खड्काले बताए ।

पीडित बालिकाको स्वास्थ्य परीक्षण जिल्ला अस्पताल ताप्लेजुङमा असार ३० गते गरिएको छ ।