जापानमा आगलागी हुँदा २६ जनाको मृत्यु

सोल-जापानमा आगलागी हुँदा २६ जनाको मृत्यु भएको छ |

जापान टाइम्सले जनाए अनुसार क्योटोमा रहेको एनिमेशन स्टुडियोमा भएको आगलागीमा २६ जनाको मृत्यु र ४० जना घाइते भएका छन् |

तीन तले भवनमा स्थानीय समयानुसार बिहान १०:३० बजे आगो लागेको थियो। 

जापानी प्रधानमन्त्री शिन्जो आबेले उक्त घटनाप्रति खेद व्यक्त गर्दै त्यसको पीडा शब्दमा व्यक्त गर्न नसकिने बताएका छन्।

उनले मृतकहरूप्रति श्रद्धाञ्जलि व्यक्त गरेका छन्।

समाचारमा ४१ वर्षीय सन्दिग्ध व्यक्तिले पेट्रोल छर्केर आगो लगाइदिएको उल्लेख छ |

नाम नखुलाइएका ती सन्दिग्ध व्यक्तिलाई पक्राउ गरिएको छ। घाइते भएकाले उनलाई पनि अस्पताल लगिएको छ।

प्रत्यक्षदर्शीहरूले आगो लागेपछि ठूलो विस्फोटन भएको सुनिएको बताएका छन्।