कोरियामा हुने भलिवल खेलमा १३ टिम भिड्ने

सोल- नेपाल कोरिया भलिबल संघको आयोजनामा हुन लागेको भलिवल खेल प्रतियोगितामा १३ टिम सहभागी हुने भएका छन् |

आउंदो जुलाई २८ तारिखदेखि सोलमा हुन लागिरहेको दोश्रो नेपाल भलिबल कप २०१९ मैत्रीपूर्ण भलिबल प्रतियोगिताका कोरियामा रहेका १३ भलिवल समूहबीच प्रतिष्पर्धा हुने भएको हो |

गर्मी बिदालाई सदुपयोग गर्दै आयोजना गर्न लागिएको प्रतिष्पर्धाका लागि स्याङ्जा परिवार निलो,आनसान समाज बी, गुङ्साङ समाज, सोलुखुम्बु सम्पर्क समिति, आनसान समाज ए र विश्वकर्मा समाज ए पोल अन्तर्गत रहेर प्रतिस्पर्धा गर्नेछन भने म्याग्दी मोना, पर्वत समाज, स्याङ्जा परिवार हरियो, कालीगण्डकी ब्वाईज ,बाग्लुङ समाज निलो, गुल्मी सम्पर्क समिति र बाग्लुङ समाज सेतो बी पोलमा रहेर प्रतिस्पर्धा गर्नेछन्।

आयोजक संघको संयोजक भजिन्द्र क्षेत्रीको संयोजकत्वमा नाङ्लो रेष्टुरेन्टको सभा हलमा सम्पन्न टिम दर्ता गरिएको छ |

आयोजकले कोरियाबासी सम्पूर्ण भलिबल खेलप्रेमी दर्शकहरु र कोरियामा क्रियाशील संघसंस्थाका प्रतिनिधिलाई उपस्थितिको लागि संघले हार्दिक अनुरोध गरेको छ। कार्यक्रममा प्रतिस्पर्धात्मक खेलका साथै नेपाली स्वादिष्ट परिकारहरुको स्टल पनि रहने जानकारी गराएको छ।