इटालियन लिग च्याम्पियन जुभेन्टस  पराजित

काठमान्डाै – टोटेनहम हट्सस्परका फरवार्ड ह्यारी केनले मैदानको मध्यभागबाट अबिस्वस्नीय  गोल गरेपछि  प्रि-सिजनको मैत्रीपूर्ण खेलमा युभेन्टसलाई पराजित गरेको छ ।  इन्टरनेसनल च्याम्पियन्स कप अन्तर्गत प्रि-सिजनको मैत्रीपूर्ण खेलमा इंग्लिस टोली टोटेनहम हट्सस्पर ३-२ ले विजयी भयो ।

खेलको पहिलो हाफमा टोटेनहमले १-० को अग्रता बनाएको थियो । एरिक लामेलाले ३१ औं मिनेटमा गोल गर्दै स्पर्सलाई अग्रता दिलाए।

दोस्रो हाफको ५६ औं मिनेटमा  युभेन्ट्सका  गोन्जालो हिगुआईनले गोल  गर्दै खेल १-१ को  बराबरीमा ल्याए । त्यसको ४ मिनेटपछि क्रिस्टियानो रोनाल्डोले गोल गर्दै युभेन्ट्सलाई  २-१ को अग्रता दिलाए । उक्त अग्रता लामो समय  टिक्न सकेन । टोटनन्ह्यामका लुकास  मौराले  65 औं मिनेटमा बल लाइ  पोस्टको दिशा दिंदै खेल २-२ को बराबरीमा ल्याए ।

खेल बराबरीतर्फ उन्मुख भइरहेको अवस्थामा टोटेनहम हट्सस्परका फरवार्ड ह्यारी  केनले अविश्वसनीय गोल  गरे । उनले मैदानको मध्यभागबाट गरेको प्रहार जुभेन्टसका परिवर्तित गोलरक्षक वोजचिएक सेजेज्नीको टाउको माथि हुँदै दर्शनीय  गोलमा परिणत भएको थियो  ।