नेपाल पहिलो खेलमै पराजित

काठमाण्डौ-सिंगापुरमा भईरहेको आईसीसी टी २० एसिया विश्वकप छनोट अन्तर्गत आफ्नो पहिलो खेलमा नेपालले कतारसंग ४ विकेटले पराजित भएको छ ।

टस जितेर पहिला ब्याटिङ गर्ने निर्णय लिएको नेपालले निर्धारित २० ओभरमा अल आउट हुँदै १ सय २२ रनमा समेटियो । नेपालका लागि युवा खेलाडी दीपेन्द्र सिंह ऐरीले सर्वाधिक ३४ रन र कप्तान पारस खड्का २८ रन को योगदान दिए ।

उप कप्तान ज्ञानेन्द्र मल्ल २३ रनमा आउट भए । शरद भेषवकर पनि ठूलो सर्ट खेल्ने धुनमा ७ रनमा क्याच आउट हुन पुगे । सोमपाल कामी दुई रन लिने क्रममा ११ रनमा रन आउट भए । विनोद भण्डारी पनि ठूलो सर्ट खेल्ने धुनमा ३ रनमा आउट भए ।

करण केसी ४ रनमा बोल्ड आउट भए । सन्दीप लामिछाने ९ रनमा रन आउट भए ।

नेपाललाई सस्तैमा रोक्न कतारका लागि इकवाल हुसेनले सर्बाधिक ३ विकेट लिए। कप्तान तमूर साजिद र नौमान सर्वारले समान २ विकेट लिए । त्यस्तै इनवाल हसनको नाममा १ विकेट रह्यो ।

कतारलाई जिताउन इनाम उल हकले सर्बाधिक ४१ रनको योगदान दिए । कमरान खान २२ रन, जाहिर इब्राहिम १२ रन मुहम्मद तनभीर ११ रन कप्तान तमूर साजिदले ९ रन जोडे। कतारी विकेटकिपर मोह्हमद रिजलान ९ रन र नौमान सर्वार ले नटआउट १५ रन जोड्दै नेपाल माथि रोमाञ्चक जित दिलाए ।

नेपालका लागि सन्दिप लामिछानेले सर्बाधिक ३ विकेट लिए। कारण केसीले १ विकेट हात पारे। कतारका २ जना ब्यास्ट्सम्यान रन आउटको सिकार भए ।