छुसकमा कलाकारको नाममा दर्जनौं गैर कलाकार कोरिया भित्रिए

साैल- दक्षिण कोरियाली पर्व छुसकमा हुने कार्यक्रममा कलाकार भन्दा बढि गैर कलाकार कोरिया भित्रिएका छन्।

बिहीबार र शुक्रबार सौलमा हुने सांस्कृतिक कार्यक्रममा कलाकारको नाममा गैर कलाकार भित्रिएका हुन्। बिहीबार भन्दा बढि शुक्रबार कार्यक्रम हुँदैछन्। नेपालीहरुका विभिन्न संघ संस्थाहरुले आयोजना गरेका उक्त कार्यक्रमहरुमा पाँच दर्जन कलाकार कोरिया आउने भनिए पनि वास्तविकतामा गैर कलाकारको संख्या जोडेर त्यो संख्या पुगेको हो।

कलाकारका रुपमा भित्र्याएर गैर कानुनी रुपमा बस्ने गरेको एक व्यवसायीले बताए। उनले भने,‘अवैधानिक बढाउने काममा छुसकलाई प्रयोग गरिएको छ।’ कोरिया प्रवेश गर्नु अघि त्रिभुवन अन्तराष्ट्रिय विमानस्थल र कोरिया पुगेपछि इन्छन विमानस्थलमा खिचिएका तस्वीरमा पनि गैर कलाकार बढि देखिएको छ।

विहिवार ‘मंगोलियन हर्ट लाईभ कन्सर्ट’,र विहिवारे ‘धनकुटा सांस्कृतीक सौगात भाग—१’ शुक्रवार ‘चौथो रोधी सांगितीक सौगात’ र शुक्रवार नै ‘सेती महाकाली सांगितीक सौगात भाग-३’ आयोजना गरिएको छ।

शुक्रवार ‘कोईनसर्ट छुसक महाधमाका २०१९’, , शुक्रवार पाँचथर सेवा समाजको ‘पाँचथर सांस्कृतीक सौगात भाग-१’ हुँदैछ।