बैतडीमा भयानक बस दुर्घटना

काठमाण्डौ-आज बिहान बैतडीमा बस दुर्घटना हुँदा बसमा सवार यात्रुमध्ये २१ जना घाइते र ७ जना गम्भीर घाइते भएका छन्। बसमा ३० जना यात्रु सवार रहेका थिए।

महेन्द्रनगरबाट मेलौलीका लागि छुटेको महाकाली यातायातको ना ४ ख ४०१९ नम्बरको बस बैतडीको पाटन-मेलौली सडकखण्ड अन्तर्गत पर्ने पाटन-६ लोर्खामा शनिबार बिहान अन्दाजी ३ बजे दुर्घटना भएको हो। दुर्घटनामा गम्भीर घाइते भएका सातै जनालाई जिल्ला अस्पतालमा पठाउनका लागि एबुलेन्स झिकाइएको छ। अन्य घाइतेको अवस्था सामान्य रहेको छ।

बस दुर्घटना भएपछी बसका चालक फरार भएका छन्। सडकमा रहेका खाल्डाखुल्डीका कारण बसलाई छेउबाट चलाउन खोज्दा दुर्घटनामा भएको जनाईएको छ। बस सडकभन्दा करिब १० मिटर तल खसेको थियो।