मदिरा पिएर छुरा हानाहान गर्दा पाहुनाको ज्यान गयो

पाँचथर-पाँचथरको याङवरक गाउपालिका–६ खाल्डेमा छुरा हानाहान हुँदा एक जनाको ज्यान गएको छ ।

मदिरा सेवन पछि झगडा हुँदा ताप्लेजुङको सिदिङमा गाँउ पालिका निवासी ४० वर्षीय अर्जुन मावोको ज्यान गएको हो । उनलाई आफ्रनै भदा सालो नाताका आइतवहादुर योङहाङले छुरा प्रहार गरेका थिए ।

मृतक याङवरक ६ खाल्डेका मोहनसिँ योङहाङका ज्वाँई हुन् । उनी ससुराली घरमा घर ज्वाँई वस्दै आएको वताइएको छ ।

विहीवार बिहान दुई जना विच घरको आँगनमा गफगाफ गरेर वसिरहेको वखत विवाद हुँदा मावोलाई छुरा प्रहार गरेका थिए । उनीहरुले मदिरा सेवन गरेर भनाभन हुँदा घट्ना भएको प्रारम्भिक अनुसन्धानमा खुलेको पाँचथरका प्रहरी नायव उपरिक्ष्क सिद्धराज न्यौपानेले जानकारी दिए ।

छुरा प्रहार गर्ने योङहाङ हत्या गरिएका मावोका फुपाजु हुन् ।

योङहाङले मावोलाई दाहिने पेटमा छुरा प्रहार गरेको वताइएको छ । छुरा प्रहार गर्ने योङहाङलाई प्रहरीले पक्राउ गरेको वताइएको छ ।