महिला हुत्याउने चालक कारागार चलान

काठमाडौं-डोजरले महिला हुत्याएको अभियोग लागेका चालक किशोर बोहरा पुर्पक्षका लागि कारागार चलान भएको समाचार आजको अन्नपूर्ण पोस्टले छापेको छ |

समाचार अनुसार जिल्ला न्यायधीस ईश्वरीप्रसाद भण्डारीको एकल इजलासले बोहरालाई थुनामा पठाउन आदेश दिएको हो ।

डोजरधनी भनि जोशी, स्थानीय भोजराज जोशी र धर्मानन्द जोशी जनही ५० हजार रूपैया धरौती तिरेर रिहा भएका छन् ।

दशरथचन्द नगरपालिका–९ ग्याल्लेकमा कार्तिक ४ गते सडक निर्माणका क्रममा स्थानीय गौरी जोशीकालाई डोजरले हुत्याएको थियो ।

सडक निर्माण गर्ने र रोक्ने पक्षबीच झडप भएको थियो । प्रहरीले त्यही दिन चालक बोहरालाई प्रक्राउ गरेको थियो ।

डोजरधनी जोशी लगायत कार्तिक ६ गते पक्राउ परेका थिए । घटनामा घाइते भएकी जोशीको उपचार कोहलपुरपछि भारतमा गरिएको थियो ।