चलचित्र विकास बोर्डका अध्यक्ष भट्टराइको अस्पताल नपुर्याउँदै निधन

काठमाडाैं-चलचित्र विकास बोर्डका अध्यक्ष केशव भट्टराइको निधन भएको छ ।

भट्टराईको गएराति १० बजेर २० मिनेटमा निधन भएको हो । भट्टराइलाई उपचारका लागि आइतबार राति नै ओम अस्पताल लगिएको थियो। तर, अस्पताल पुर्याउँदा उनको निधन भइसकेको अस्पतालले जनाएको छ । उनको निधनको कारण खुलेको छैन।

निर्माता तथा कलाकार समेत रहेका भट्टराइले पछिल्लो पटक चलचित्र ‘यात्रा’ निर्माण गरेका थिए। उनले निर्माण गरेका धेरै चलचित्रले राम्रो व्यापार गरेका छन्।

उनी करिब एक बर्ष अगाडि चलचित्र विकास बोर्डको अध्यक्षमा नियुक्त भएका थिए।

तीन दशकभन्दा लामो समयदेखि नेपाली चलचित्र क्षेत्रमा क्रियाशील भट्टराईले बनाएका ‘आफ्नो मान्छे, पाहुना, कर्मयोद्धा, देवरवावु, छोडी गए पाप लाग्ला, सो सिम्पल’ लगायतका चलचित्र चर्चित छन्। उनले दर्जनौ चलचित्रमा अभिनय समेत गरेका छन्।