सागको व्यवस्थापनमा आयोजक चिप्लिएकै हो : बर्तौला (भिडियाे सहित)

काठमाडौँ : भर्खरै काठमाडौंमा सम्पन्न १३औं दक्षिण एशियाली खेलकुद (साग)मा पदक बिजेता खेलाडीलाई दिईने पुरस्कार राशी कम रहेको सत्तारूढ नेकपाको भातृ संगठन अखिल नेपाल खेलकुद महासंघका नेता जनक बर्तौलाले बताएका छन् ।

अनलाइनपाना संवादमा कुरा गर्दै नेता बर्तौलाले साग आयोजना गर्दा आयोजक व्यवस्थापनको कुरामा भने चुकेको कुरा स्वीकार गरे । उद्घाटन सत्रकै दिन दशरथ रंगशाला जाँदा पनि रंगशाला जाँदा पनि सफाइको काम चलिरहेको देखेको समेत उनले उल्लेख गरे ।

प्रतियोगितामा सहभागी खेलाडीको दुखेसो सुन्दा आफुलाई पनि नराम्रो लागेको उनको भनाइ छ । ठूला प्रतियोगितामा केही हदसम्म कमजोरी भएपनि केही कमजोरीहरु अक्षम्य रहेको उनको भनाइ छ ।

खेलाडीको प्रदर्शनको हिसाबले नेपालको लागि ऐतिहासिक रहेको दक्षिण एशियाली खेलकुद (साग) व्यवस्थापनका कमजोरीको कारणले पनि चर्चामा रह्यो । खेलाडीको ऐतिहासिक प्रदर्शनले मात्रै साग आयोजकको इज्जत बचेको उनको भनाई छ ।

अहिले सागमा खेलाडीले गरेको प्रदर्शन निरन्तर कायम राख्नुपर्ने चुनौती अहिले हामिलाई रहेको उल्लेख गर्दै सरकारले खेलकुदमा गरेको लगानी अझै अपर्याप्त रहेको उनको भनाइ छ । सरकारले खासगरी पुर्वाधारमा लगानी बढाउन आबश्यक रहेको उनको भनाई छ ।

सागमा सहभागी पदक बिजेता खेलाडीलाई दिने पुरस्कार राशी कम रहेको उनको भनाइ छ । समुहगत ब्याक्तीगत जुनसुकै प्रतिस्पर्धाको पदक भए पनि पदकको हैसियत समान रहेको उनको भनाइ छ ।

पदक बिजेता खेलका प्रशिक्षकलाई पुरस्कारको मामलामा भने उपेक्षा गरिएको उनको भनाई छ । त्योसँगै सागमा सहभागी सबै खेलाडीलाई प्रोत्साहन पुरस्कारको समेत व्यवस्था गर्नुपर्ने उनको माग छ ।(श्रोत अनलाइनपाना)