नेसनल लाइफले सुष्मितालाई दियो १ करोड ३ लाख

काठमाडौं-नेसनल लाइफ इन्स्योरेन्स कम्पनी लिमिटेडले झापा विर्तामोडका इन्द्रप्रसाद दंगालकी श्रीमतीलाई बिमा बापतको १ करोड ३ लाख १५ हजार भुक्तानी गरेको छ ।

इन्द्रप्रसाद दंगालले २०७६ साल असार ३१ गते ५० लाख रुपैयाँको दोहोरो दुर्घटना लाभ सहितको १६ वर्षे अमृत वर्षा जीवन बिमा गरेका थिए ।

२०७६ साल कात्तिक ४ गते दुर्घटनामा उनको मृत्यु भएको हो । स्व. इन्द्रलालकी पत्नी सुष्मिता थपलिया (दंगाल) लाई विर्तामोड उद्योग वाणिज्य संघका अध्यक्ष कुमार भट्टराईले बिमा दाबी वापत रकमको चेक हस्तान्तरण गरेका हुन् ।