कोरोनाले बेलायतमा १८ नेपालीको मृत्यु

लण्डन – बेलायतमा कोरोनाका कारण थप एक जनाको मृत्यु भएसँगै मृतकको संख्या १८ पुगेको छ ।

पोखरा याङ्जाकोट स्थायी घर भई हाल बेलायतको रेडिङमा बस्दै आएका ४९ वर्षीय विजय गुरुङको उपचारका क्रममा रोयल बर्कशायर अस्पतालमा निधन भएसँगै मृतकको संख्या १८ पुगेको हो ।

आइतबार मृत्यु भएका विजयबारे अस्पतालले दुई दिनपछि मात्रै परिवारलाई जानकारी गराएका थिए ।

स्वासप्रश्वासमा समस्या देखिएपछि विजयलाई गत साता अस्पताल भर्ना गरिएको थियो ।