ला लिगा अगावै स्पेनिस घरेलु फुटबल प्रतियोगिता सुरु गर्ने, तयारी सुरु

एजेन्सी – ला लिगा भन्दा अघि नै घरेलु फुटबल प्रतियोगिता सुरु हुने भएका छन् । कोरोनाका कारण पछिल्लो डेढ महिनादेखि बन्द रहेको ला लिगा क्लवहरुले स्पेनिस सरकारले स्वीकृति दिएसँगै टिमको प्रशिक्षण पनि सुरु गर्ने भएका छन् ।

कोरोनाको संकटका कारण स्वास्थ्यमा पर्न सक्ने संम्भावित असरबाट बच्नका लागि विस्तृत विवरण तयार पारेसँगै सरकारले स्पेनमा लिग फुटबल सुचारु गर्न स्वीकृति दिएको हो ।

ला लिगामा बार्सिलोना रियाल मड्रिड भन्दा दुई अंकले अगाडी छ । संकटाका रुपमा रहेको संक्रमणका बिच स्पेनमा ला लिगा बन्द रंगशालामा गर्ने तयारी गरिएको छ ।

यस्तै प्रशिक्षणका बेला पनि सामाजिक दुरी कायम गरेर गर्नुपर्ने नियम बनाइएको छ भने खेलाडी, प्रशिक्षक र कर्मचारीलाई हरेक दिन प्रशिक्षण सुरु भएपछि परीक्षण गरिनेछ ।