कोरियामा बिदेशी नागरिकको परिचयपत्रबाट ‘एलियन’ शब्द हटाएर अर्कै शब्द राखिने

सोल-दक्षिण कोरियाली सरकारले बिदेशी नागरिकको परिचयपत्रबाट ‘एलियन’ शब्द हटाउने भएको छ ।

सरकारी अधिकारिका अनुसार उक्त शब्दको सट्टामा कुनै ‘न्युट्रल’ निरपेक्ष शब्द राखिने पनि अधिकारीले जनाएका छन् ।

दक्षिण कोरियाली न्याय मन्त्रालयका अनुसार प्रवासी नागरिकको परिचय पत्रमा उक्त ‘एलियन’ शब्द बिगत ५४ बर्षबाट लेखिदै आएको छ । अब भने ‘एलियन रजिष्ट्रेशन कार्ड’ को सट्टामा अर्कै शब्द राखिने छ ।

‘एलियन’ शब्दले नकारात्मक भाव जनाएको बताउदै त्यसको सट्टामा विदेशी नागरिक परिचय पत्र, विदेशी बसोवास परिचय पत्र अथवा आवास परिचय पत्र मध्ये एक उल्लेख गरिने मन्त्रालयले जनाएको छ ।

सरकारी निर्णय पश्चात सो परिवर्तन गरिने मन्त्रालयले जनाएको छ ।

सरकारको यो कदम बाट प्रवासी नागरिकहरुले पनि अपनत्व अनुभव गर्ने अधिकारीले बताएका छन् ।