प्रदेश २ का आन्तरिक मामिला मन्त्री यादवमा कोरोना संक्रमण

वीरगञ्ज:  प्रदेश नम्बर २ का आन्तरिक मामिला तथा कानुन मन्त्री ज्ञानेन्द्रकुमार यादवमा कोरोना संक्रमण देखिएको छ । प्रदेश २ स्वास्थ्य निर्देशनालय जनकपुरका सूचना अधिकारी विजय झाले प्रदेश नम्बर २ का आन्तरिक मामिला तथा कानुन मन्त्री ज्ञानेन्द्रकुमार यादवले साउन १९ गते दिनुभएको स्बाव जनकपुरको प्रायेगशालामा परिक्षण गर्दा बुधबार साझ कोरोना पोजेटिभ रिपोर्ट आएको पुष्टि गरेका हुन् ।
बुधबार साझ आएको संक्रमितहरुको सुचिमा मन्त्री ज्ञानेन्द्रकुमार यादवको नाम रहेको छ प्रदेश २ स्वास्थ्य निर्देशनालय जनकपुरका सूचना अधिकारी विजय झाले बताएका छन् ।
साउन १८ गते काठमाण्डौबाट फर्किएका मन्त्री यादवको साउन १९ गते पिसिआर परीक्षणको लागि स्बावको नमूना संकलन गरिएको थियो । आइतवार काठमाडौंबाट आउनुअघि देशका शीर्ष नेताहरूसँग भेटघाट गरेको , काठमाडौंमा रहँदा प्रधानमन्त्रीदेखि प्रहरी महानिरीक्षक समेतलाई भेटघाट गरेको खुलेको छ ।
मन्त्री यादव प्रधानमन्त्री निवास बालुवाटारमा संगठन तथा व्यवस्थापन सर्वेक्षण प्रस्ताव पारित गर्न प्रहरी समायोजन सम्बन्धी समन्वय समितिको बैठकमा सहभागी भएको बताईन्छ । उक्त बैठकमा सात वटै प्रदेशका आन्तरिक मामिला तथा कानुन मन्त्रीहरू, गृहमन्त्री रामबहादुर थापा (बादल), , गृह सचिव, गृहमन्त्रीका सल्लाहकार, प्रहरी महानिरीक्षकसंग मन्त्री यादवले भेटघाट गर्नु भएको र काठमाण्डौ प्रधानमन्त्री केपी शर्मा ओलीसंगपनि भेटघाट भएको बताईएको छ ।