प्रताप र तुलसाको “नौं तले घर ” बजारमा

पछिल्लो समय नेपाल आइडलबाट चर्चामा आएका नेपाली सांगीतिक आकाशका चर्चित आवाज हो प्रताप दास, उनैसँग उदियमान गायिका तुलसा लिम्बूको नयाँ गीत ‘नौं तले घर’ सार्वजनिक भएको छ । आज मात्र सार्वजनिक भएको यो गीत हिट हुने क्रममा रहेको छ ।

युवा चर्चित संगीतकार ताराप्रकाश लिम्बूको संगीत र शब्द भने डि. पि. खनालको रहेको छ । डान्सिङ्ग नम्बरको यो गीतमा Cartoon Crew का सरोज अधिकारी,आस्मा विश्वकर्माको साथमा गम्भिर विष्ट र करिष्मा सिंह ठकुरीको नृत्य देख्न सकिन्छ ।

निरज श्रेष्ठको संगीत संयोजन, गम्भिर विष्ठको निर्देशन रहेको छ । उमेश लिम्बूको लगानीमा निर्माण भएको यो भिडियो नवराज उप्रेतीको छायाँङ्कन र सम्पादन नविन निरौलाको रहेको छ । यो गीतले गायिका तुलसा लिम्बूलाई सांगीतिक उचाइमा पुर्‍याउन टेवा पुग्ने छ ।