कोरोनाविरुद्धको भेरोसेल खोप बाँकेमा आजदेखि लगाइँदै

काठमाडौँ- आजदेखि साउन ५ गतेसम्म बाँकेमा भेरोसेलको पहिलो डोज लगाइने भएको छ। सरकारले निर्धारण गरेको लक्षित समूहलाई भेरोसेलको पहिलो डोज दिन लागिएको जनाइएको छ ।

स्वास्थ्य कार्यालय बाँकेका खोप अधिकृत भेषराज शर्माका अनुसार बाँके जिल्लाको नरैनापुर गाउँपालिका, डुडुवा गाउँपालिका, बैजनाथ गाउँपालिका र राप्तीसोनारी गाउँपालिकामा आज (आइतबार)देखि खोपको पहिलो डोज दिइने छ ।

सूचना जारी स्वास्थ्य कार्यालयले गर्दै नेपालगञ्ज उपमहानगरपालिका, कोहलपुर नगरपालिका, जानकी गाउँपालिका र खजुरा गाउँपालिकामा भने यही साउन १० देखि १२ गतेसम्म खोपको पहिलो मात्रा दिइने जनाएको छ ।